

D2320

།རྫས་གཅིག་རྙེད་པས་དོན་ཡོད་འགྲུབ། །སྔགས་གཅིག་བཟླས་པས་ནུས་པ་འབྱུང་། །མཉམ་ཉིད་གཞིའི་སྒྲོན་མ་རྫོགས་སོ།།[་#]@##། །རྒྱ་གར་སྐད་དུ། ཀོ་ཊི་ནིཥྛ་ཕ་ལ་པྲ་དཱི་པ་ནཱ་མ། བོད་སྐད་དུ། མཐར་ཐུག་འབྲས་བུའི་སྒྲོན་མ་ཞེས་བྱ་བ། འཇམ་ དཔལ་སྨྲ་བའི་སེང་གེ་ལ་ཕྱག་འཚལ་ལོ།།འཁོར་བའི་ཆུ་ལས་སྒྲོལ་མཛད་པ། །དམ་པ་སྐྱེས་མཆོག་རྣམས་ལ་འདུད། །སྒྲུབ་པའི་ཆོས་ལ་དོན་ཡོད་པས། །དམ་པས་གསུངས་ལ་ཡིད་ཆེས་ཀྱིས། །མཐར་ཐུག་འབྲས་བུའི་སྒྲོན་མ་ནི། །རྣམ་པ་གཉིས་སུ་ཤེས་པར་བྱ། །གནས་ སྐབས་རྒྱུ་ཡི་འབྲས་བུ་དང་།།མཐར་ཐུག་རྟོགས་པའི་འབྲས་བུའོ། །རྒྱུ་མཐུན་འབྲས་བུ་རབ་སྟེར་བས། །བྱས་པའི་ཆོས་ལ་ནན་ཏན་སྐྱེད། །ནམ་མཁའ་རྡོ་རྗེ་གྲོང་འཇུག་གསུམ། །ལས་སུ་རུང་བའི་འབྲས་བུ་ཡིན། །རྟོགས་པའི་འབྲས་བུ་སྐུ་ལྔ་སྟེ། །ངོ་བོ་སྟོང་པ་ཆོས་སྐུལ། །རང་བཞིན་ གསལ་བ་ལོངས་སྐུ་ཡིན།།མཚན་ཉིད་ཉམས་མྱོང་སྤྲུལ་པའི་སྐུ། །ཟུང་འཇུག་ངོ་བོ་ཉིད་ཀྱི་སྐུ། །རང་གྲོལ་རང་དག་བདེ་ཆེན་སྐུ། །དོན་ལ་མཚོན་དུ་ཅི་ཡང་མེད། །ཐ་སྙད་བློ་ལ་རྒྱུ་འབྲས་དཱི་པཾ་གཉིས། །ཞེན་པ་བཟློག་ཕྱིར་བསྟན་པ་ལས། །དོན་དམ་བརྗོད་དུ་མེད་པས་ན། །རྒྱལ་ ་བས་ཚིག་གཅིག་གསུངས་པ་མེད།